Ղեկավարվելով  «Տեղական ինքնակառավարման մասին» Հայաստանի հանրապետության օրենքի 24-րդ հոդվածի 1-ին մասի 24-րդ կետով Հայաստանի   Հանրապետության Հողային օրենսգրքի 7-րդ հոդվածի 9-րդ և 15-րդ կետերով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով և  հիմք ընդունելով «Էյ սի գարդեն» ՍՊԸ-ի տնօրեն Վլադիմիր Գրիգորյանի դիմումը ինչպես նաև Մեծամոր համայնքի ավագնու 2022 թվականի սեպտեմբերի 16-ի N 199 որոշումը,  

ՈՐՈՇՈՒՄ ԵՄ

1.  Մեծամոր համայնքի Ակնալիճ  բնակավայրում  «Էյ սի գարդեն» ՍՊԸ-ին  սեփականության իրավունքով պատկանող    գյուղատնտեսական նպատակային նշանակության և այլ հողատեսք գործառնական նշանակության 6.8284 հա հողամասից /սեփ․ վկայական  N 25072022-04-0012, ծածկագիր 04-004-0208-0023/  0,6394 հա հողամասի նպատակային և գործառնական  նշանակությունները  փոխել  ջրային  նպատակային նշանակության և ջրային  գործառնական նշանակության  հողամասի՝ ոռոգման նպատակով մինչև 100 հազար խորանարդ մետր ծավալով ջրավազան կառուցելու  համար :

2 . Փոփոխված 0,6394 հա  հողամասը արտացոլել համայնքի հողային ֆոնդի ընթացիկ հաշվառման տվյալներում և ամենամյա հողային հաշվեկշռում :

3. Ուժը կորցրած ճանաչել Մեծամոր համայնքի ղեկավարի 2022 թվականի հուլիսի 7-ի «Հողամասի նպատակային և գործառնական նշանակությունները փոխելու մասին» N 1047 որոշումը

4. Սույն որոշումն ուժի մեջ է մտնում ընդունման պահից: