Արմավիրի մարզի Մեծամոր  համայնքի Մրգաշատ բնակավայրի  բնակիչ  Սարբե Հասոյի Բոզոյանը դիմել է Մեծամորի համայնքապետարան՝ իրեն սեփականության իրավունքով պատկանող Մրգաշատ բնակավայրի  8-րդ փողոց, 24 բնակելի տան հասցեում գտնվող բնակավայրերի բնակելի կառուցապատման հողամասի վրա կառուցված բնակելի տան և շենք-շինությունների նկատմամբ սեփականության իրավունքների վերականգման  խնդրանքով, որը օրենքի ուժով կարող է փոխանցվել անհատույց սեփականության իրավունքով: Ղեկավարվելով  «Իրավունք հաստատող փաստաթղթերը չպահպանված անհատական  բնակելի տների կարգավիճակի մասին» Հայաստանի Հանրապետության օրենքի կիրարկումն ապահովելու մասին Հայաստանի Հանրապետության 2008 թվականի նոյեմբերի 13-ի թիվ 1328-Ն օրենքով,  Հայաստանի Հանրապետության կառավարության  2005թ.  դեկտեմբերի 29-ի թիվ 2387 –Ն որոշմամբ, «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով  և նկատի ունենալով, որ  կառույցն  իրականացվել է  մինչև 2001 թվականի մայիսի 15-ը,  հողամասը ընդգրկված չէ Հայաստանի Հանրապետության հողային օրենսգրքի  60-րդ հոդվածով նախատեսված  սահմանափակումների ցանկում, այդ թվում՝  ինժեներատրանսպորտային  օբյեկտների  օտարման գոտիներում, չեն  հակասում քաղաքաշինական նորմերին, չեն  առաջացնում հարկադիր սերվիտուտ և հիմք ընդունելով  Սարբե Հասոյի Բոզոյանի դիմումը.

ՈՐՈՇՈՒՄ ԵՄ`

1.Վերականգնել Արմավիրի մարզի Մեծամոր  համայնքի  Մրգաշատ բնակավայրի 8-րդ փողոց, 24 բնակելի տան հասցեում գտնվող փաստացի 2093 ք/մ  բնակավայրերի բնակելի կառուցապատման հողամասի վրա 1967 թվականին կառուցված 73,40 ք/մ անասնաշենքի նկատմամբ Սարբե Հասոյի Բոզոյանի / ծնված 00․00․1940թ․/ սեփականության իրավունքը:

2. Առաջարկել  Հ.Հ.Կ.Ա. Ա.Գ.Կ. Պ.Կ. համապատասխան ստորաբաժանմանը գրանցել քաղաքացի Սարբե Հասոյի Բոզոյանի սույն որոշման 1-ին կետում նշված Արմավիրի մարզի Մեծամոր համայնքի Մրգաշատ բնակավայրի 8-րդ փողոց, 24 բնակելի տան հասցեում գտնվող փաստացի 2093 ք/մ  բնակավայրերի բնակելի կառուցապատման հողամասի վրա 1967 թվականին կառուցված 73,40 ք/մ անասնաշենքի  նկատմամբ սեփականության իրավունքը և տրամադրել անշարժ գույքի սեփականության իրավունքի  գրանցման  վկայական:

3․ 2011 թվականի կառուցված 141 ք/մ մակերեսով անասնաշենքը, 2011 թվականին կառուցված 5,80 ք/մ մակերեսով թռչնանոցը, 2011 թվականի կառուցված 1,60 քմ մակերեսով օժանդակ շինությունը, 2011 թվականին կառուցված 1 ք/մ մակերեսով պարիսպը համարել որպես ինքնակամ կառուցված շինություններ։

4. Սույն որոշումը ուժի մեջ է մտնում ընդունման պահից։