Զեկ. ՆՈՐԱՅՐ ԴԱՐԲԻՆՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության կառավարության 2001 թվականի ապրիլի 12-ի թիվ 286 որոշման 44-րդ կետի ը) ենթակետով,Հայաստանի Հանրապետության Քաղաքացիական օրենսգրքի 441-րդ հոդվածի 2-րդ կետով, և հիմք ընդունելով «ԳԱՐ-ՇԻՆ» ՍՊԸ-ի 2025 թվականի մարտի 17-ի գրությունը, Տարածքային կառավարման և ենթակառուցվածքների նախարարության կողմից «ԳԱՐ-ՇԻՆ» ՍՊԸ-ին տրամադրված 2024 թվականի դեկտեմբերի 30-ի N ՇԱԹ 29/758 թույլտվությունը, 2024 թվականի դեկտեմբերի  30-ի N L-758 լեռնահատկացման ակտը  ինչպես նաև Մեծամոր համայնքի ղեկավարի առաջարկությունը՝ 

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է 

1․ Տալ համաձայնություն Մեծամոր համայնքի գյուղ Երասխահուն 23 հասցեում գտնվող Մեծամոր համայնքի  սեփականությունը հանդիսացող 7,9058 հա, 4,8733 հա և 7,7398 հա /սեփ․ վկայական N 15092025-04-0022/,  արդյունաբերության ընդերքօգտագործման և այլ արտադրական նպատակային նշանակության  ընդերքի օգտագործման համար տրամադրված գործառնական նշանակության հողամասը առանց մրցույթի 19 (տասնինը) տարի 3 ամիս ժամկետով վարձակալությամբ տրամադրել  «ԳԱՐ-ՇԻՆ»  սահմանափակ պատասխանատվությամբ ընկերությանը:

2. Հողամասի վարձակալության վճարի չափը սահմանել տարեկան 2 500 000 (երկու միլիոն հինգ հարյուր հազար) ՀՀ դրամ:

3.Սույն որոշումն ուժի մեջ է մտնում ընդունման պահից։