Զեկ. ՆՈՐԱՅՐ ԴԱՐԲԻՆՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության Հողային օրենսգրքի 48¹․-րդ հոդվածով, «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 1-ին կետով,  ինչպես նաև հիմք ընդունելով կողմերի համաձայնությունը և Մեծամոր համայնքի ղեկավարի առաջարկությունը․

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1․ Համաձայնություն տալ Ալիկ Աշոտի Սարգսյանի, Անդրեաս Թովմասի Թորոսյանի, Հայկ Հրաչյայի Գալստյանի, Ռոբերտ Ռուդիկի Ավետիսյանի և Արթուր Արմենի Մինասյանի կողմից ձեռք բերված՝ համայնքի սեփականություն հանդիսացող Մեծամոր քաղաքի 5-րդ թաղամասի 5/3 հասցեում գտնվող 0.3006 հա (կադաստրային ծածկագիր՝ 04-003-0061-0024) կառուցապատման իրավունքով հողամասը բաժանել հետևյալ կերպ․

1.1 Անդրեաս Թովմասի Թորոսյանին և Արթուր Արմենի Մինասյանին՝ 0.10007 հա (համայնքային սեփականության վկայական № 07112025-04-0064), կառուցապատման իրավունքի տարեկան վճարը սահմանել՝ 40․000 ՀՀ դրամ,

1.2 Ռոբերտ Ռուդիկի Ավետիսյանին և Հայկ Հրաչյայի Գալստյանին՝ 0.10033 հա (համայնքային սեփականության վկայական № 07112025-04-0065), կառուցապատման իրավունքի տարեկան վճարը սահմանել՝ 40․000 ՀՀ դրամ,

1.3 Ալիկ Աշոտի Սարգսյանին՝ 0.1002 հա (համայնքային սեփականության վկայական № 10112025-04-0085), կառուցապատման իրավունքի տարեկան վճարը սահմանել՝ 40․000 ՀՀ դրամ։

2․ 2025 թվականի օգոստոսի 6-ին կնքված թիվ 5061 կառուցապատման իրավունքի առուվաճառքի պայմանագրի մյուս պայմանները թողնել անփոփոխ։

3․ Կողմերի հետ կնքել կառուցապատման իրավունքի պայմանագիր, որը ենթակա է նոտարական վավերացման և պետական գրանցման։ 

4․ Սույն որոշումն ուժի մեջ է մտնում ընդունման պահից։