Ս/թ. փետրվարի 25-ին ժամը 16:00 ՀՀԱրմավիրի մարզի Մեծամորի համայնքապետարանում, տեղի ունեցավ ՀՀ Պետական բյուջեից նպատակային հատկացումներ՝ սուբվենցիաներ ստանալու նպատակով 2022 թվականի բյուջետային ֆինանսավորման ծրագրային հայտերի՝ ՀՀ Արմավիրի մարզի Մեծամոր համայնքի Տանձուտ բնակավայրի «Խնձորներ», Հայկավան բնակավայրի  «Թավաբլուրի»,  Երասխահուն բնակավայրի «Ախմեյան» (Ակադեմիայի), Վարդանաշեն բնակավայրի  «Դեղձեր», «Ժորժիկի», Զարթոնք բնակավայրի  «Գործարանի բաց», «Գործարանի փակ», Արտաշար բնակավայրի  «Ավազահանքի», «Խդոյի», Տարոնիկ բնակավայրի «Աղբանոցի»,  «Ցանկապատի», Մրգաշատ բնակավայրի  «Ճլլիկներ», Արմավիր բնակավայրի «Նարյադի», Արգավանդ բնակավայրի «Թոփերի», Բամբակաշատ բնակավայրի «Պոպոքի», Արազափ բնակավայրի «Գուգուշի» խորքային հորերի վերակառուցման վերաբերյալ հանրային քննարկումներ։

Մեծամոր համայնքի ղեկավարի հրավերով հանրային քննարկմանը ներկա էին համայնքի ավագանու անդամներ, համայնքի և բնակավայրերի բնակիչներ, ինչպես նաև համայնքային ենթակայության կազմակերպությունների աշխատակիցներ։ Հանրային քննարկումը վարում էր Մեծամոր համայնքի ղեկավար՝ Վահրամ Խաչատրյանը։

Համայնքի ղեկավարը ամփոփելով հանրային լսումը՝ բնակիչների և բոլոր ներկաների կողմից ստացավ հավանություն և դրական կարծիք ծրագրերի կատարման վերաբերյալ։