1.Վարչական ակտով լուծվող հարցի նկարագրություն.
Հայաստանի Հանրապետության Արմավիրի մարզի Մեծամորի համայնքապետարանի աշխատակազմի քաղաքաշինության և հողաշինության բաժնի աշխատակիցների կողմից արձանագրության համաձայն՝ Հայաստանի Հանրապետության Արմավիրի մարզի Մեծամոր համայնքի Տանձուտ բնակավայրում գտնվող, համայնքային սեփականություն հանդիսացող հողամասի վրա քաղաքացի Հովիկ Խուդոյանի կողմից առանց համապատասխան թույլտվության ինքնակամ կառույց է կառուցվել։
Քաղաքացի Հովիկ Հասանի Խուդոյանը՝ խախտելով «Վարչական իրավախախտումների վերաբերյալ» Հայաստանի Հանրապետության օրենսգրքի 48-րդ հոդվածի 2–րդ և 154-րդ հոդվածի 2–րդ մասերով սահմանված պահանջները, համայնքային սեփականություն հանդիսացող հողամասի վրա ինքնակամ կառույց է կառուցել, ինչի կապակցությամբ Հայաստանի Հանրապետության Արմավիրի մարզի Մեծամորի համայնքապետարանի աշխատակազմի քաղաքաշինության և հողաշինության բաժնի աշխատակիցների կողմից արձանագրության հիման վրա 2025 թվականի հոկտեմբերի 08-ին «Վարչարարության հիմունքերի և վարչական վարույթի մասին» Հայաստանի Հանրապետության օրենքի 30-րդ հոդվածի «բ» կետի հիմքով՝ Մեծամոր համայնքի ղեկավարի կողմից կայացվել է թիվ 1864-Ա որոշումը՝ վարչական վարույթ հարուցելու մասին:
2.Վարչական ակտն ընդունելու համար հիմք հանդիսացող փաստերը.
2025 թվականի հոկտեմբերի 08-ին հարուցված վարչական վարույթի հիման վրա 2025 թվականի հոկտեմբերի 21-ին ժամը 11։00–ին հրավիրվել են վարչական վարույթով գործի լսումներ, որի վերաբերյալ Հովիկ Հասանի Խուդոյանը պատշաճ ծանուցվել է և ներկայացուցչի միջոցով ապահովվել է ներկայությունը գործի լասմանը։
2025 թվականի հոկտեմբերի 21–ին ժամը 11։00–ին վարչական վարույթով գործի լսմանը Հովիկ Հասանի Խուդոյանի ներկայացուցիչը հայտարարել է, որ իրավախախտումն արձանագրվելուց անմիջապես հետո դադարեցրել է համայնքային սեփականություն հանդիսացող հողամասի վրա ինքնակամ կառույցի կառուցման աշխատանքները, միաժամանակ հայտնելով, որ տեղյակ չի եղել հողամասը համայնքային սեփականություն հանդիսանալու մասին, պարտավորվելով սեղմ ժամկետում ապամոնտաժել ինքնակամ կառույցը և հողամաասն ազատել ապօրինի տիրապետումից:
3.Վարչական ակտն ընդունելու հիմնավորումը.
Համաձայն «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 26-րդ կետի՝ համայնքի ղեկավարը, օրենքով նախատեսված դեպքերում և կարգով անձանց ենթարկում է վարչական պատասխանատվության:
«Վարչական իրավախախտումների վերաբերյալ» Հայաստանի Հանարապետության օրենսգրքի 48–րդ հոդվածի 2–րդ մասի համաձայն՝ գյուղական համայնքներում պետական և (կամ) համայնքային սեփականություն հանդիսացող հողամասերն ինքնակամ զավթելը և դրա հետևանքները չվերացնելն առաջացնում է տուգանքի նշանակում` սահմանված նվազագույն աշխատավարձի հարյուրապատիկի չափով::
«Վարչական իրավախախտումների վերաբերյալ» Հայաստանի Հանարապետության օրենսգրքի 154-րդ հոդվածի 2-րդ մասի համաձայն՝ սեփականության կամ հողօգտագործման իրավունք ունեցող անձի կողմից այդ հողամասի վրա, ինչպես նաև անհատական բնակելի տներում կամ ստորաբաժանված կամ բազմաբնակարան շենքերում կամ շենքերին կից, օրենքով և այլ իրավական ակտերով սահմանված կարգով այդ նպատակի համար չհատկացված հողամասում կամ առանց թույլտվության կամ թույլտվությամբ սահմանված պայմանների կամ քաղաքաշինական նորմերի ու կանոնների էական խախտումներով շենք, շինություն կամ այլ կառույց կառուցելը կամ վերակառուցելը կամ տեղադրելը կամ առանց թույլտվության շինարարություն կամ տեղադրման թույլտվություն պահանջող շինարարական աշխատանքներ կամ առանց թույլտվության քանդում կամ ապամոնտաժում՝ գյուղական բնակավայրերում իրականացնելն առաջացնում է տուգանքի նշանակում` սահմանված նվազագույն աշխատավարձի հարյուրապատիկի չափով:
«Վարչական իրավախախտումների վերաբերյալ» Հայաստանի Հանրապետության օրենսգրքի 32-րդ հոդվածի 2-րդ մասի համաձայն՝ տույժ նշանակելիս հաշվի են առնվում կատարված իրավախախտման բնույթը, խախտողի անձը, նրա մեղքի աստիճանը, գույքային դրությունը, պատասխանատվությունը մեղմացնող և ծանրացնող հանգամանքները:
Համաձայն «Վարչական իրավախախտումների վերաբերյալ» Հայաստանի Հանրապետության օրենսգրքի 23-րդ հոդվածի 1-ին մասի 1-ին կետի՝ վարչական իրավախախտումներ կատարելու համար կարող է կիրառվել նախազգուշացումը:
Նույն օրենսգրքի 25-րդ հոդվածի համաձայն՝ նախազգուշացումը որպես վարչական տույժի միջոց արվում է գրավոր: Օրենսդրությամբ նախատեսված դեպքերում նախազգուշացումը արձանագրվում է այլ սահմանված եղանակով:
Այսպիսով, ելնելով վերոգրյալից և ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի առաջին մասի 26-րդ կետով, «Վարչական իրավախախտումների վերաբերյալ» Հայաստանի Հանրապետության օրենսգրքի 23-րդ հոդվածի 1–ին մասի 1–ին կետով, 25-րդ հոդվածով, 32-րդ հոդվածի 2–րդ մասով, 48–րդ հոդվածի 2–րդ և 154–րդ հոդվածի 2–րդ մասերով, «Վարչարարության հիմունքների և վարչական վարույթի մասին» Հայաստանի Հանրապետության օրենքի 58-60-րդհ ոդվածներով՝
ՈՐՈՇՈՒՄ ԵՄ՝
1.Քաղաքացի Հովիկ Հասանի Խուդոյանի նկատմամբ նշանակել վարչական տույժ՝ նախազգուշացման ձևով:
2.Սույն որոշումն ուժի մեջ է մտնում՝ այն կողմին իրազեկելուն հաջորդող օրվանից։
3.Սույն որոշումը կարող է բողոքարկվել «Վարչարարության հիմունքների և վարչական վարույթի մասին» Հայաստանի Հանրապետության օրենքի 70-րդ և Հայաստանի Հանրապետության վարչական դատավարության օրենսգրքի 73-րդ հոդվածներով նախատեսված կարգով՝ դրա ուժի մեջ մտնելու օրվանից երկամսյա ժամկետում: