1.Վարչական ակտով լուծվող հարցի նկարագրություն.
Հայաստանի Հանրապետության Արմավիրի մարզի Մեծամորի համայնքապետարանի աշխատակազմի քաղաքաշինության և հողաշինության բաժնի աշխատակիցների կողմից 2025 թվականի հոկտեմբերի 09-ին կազմված արձանագրության համաձայն՝ ՀՀ Արմավիրի մարզի Մեծամոր համայնքի Վարդանաշեն բնակավայրի վարչական տարածքում գտնվող 04-090-0005-0000-001 կադաստրային ծածկագրով հողատարածքի նպատակային նշանակությունը արտադրական, արդյունաբերական է, սակայն «ՏԱԹԵՎԻԿ ՄԵՍՐՈՊՅԱՆ ՀԱՅՐԱՊԵՏԻ» անհատ ձեռնարկատիրոջ կողմից կատարվում է հասարակական գործունեություն, այսինքն օգտագործվում է ոչ նպատակային նշանակությամբ։
Համաձայն «Վարչարարության հիմունքերի և վարչական վարույթի մասին» ՀՀ օրենքի 30-րդ հոդվածի «բ» կետի՝ Մեծամոր համայնքի ղեկավարի կողմից՝ 2025 թվականի հոկտեմբերի 24-ին կայացվել է թիվ 2000-Ա որոշումը՝ «ՏԱԹԵՎԻԿ ՄԵՍՐՈՊՅԱՆ ՀԱՅՐԱՊԵՏԻ» անհատ ձեռնարկատիրոջ նկատմամբ վարչական վարույթ հարուցելու մասին:
«Վարչարարության հիմունքների և վարչական վարույթի մասին» Հայաստանի Հանրապետության օրենքով սահմանված կարգով հարուցված և իրականացված վարչական իրավախախտման վերաբերյալ գործի քննության ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.
«ՏԱԹԵՎԻԿ ՄԵՍՐՈՊՅԱՆ ՀԱՅՐԱՊԵՏԻ» անհատ ձեռնարկատերը /հասցե՝ ՀՀ Արմավիրի մարզ Մեծամոր համայնք, գ․Վարդանաշեն, 8փ․, տ․8, ՀՎՀՀ՝49906452/ ՀՀ Արմավիրի մարզի Մեծամոր համայնքի Վարդանաշեն բնակավայրի վարչական տարածքում գտնվող 04-090-0005-0000-001 կադաստրային ծածկագրով արտադրական, արդյունաբերական հողատարածքնօգտագործել է ոչ նպատակային նշանակությամբ, որով խախտվել են «Վարչական իրավախախտումների վերաբերյալ» Հայաստանի Հանրապետության օրենսգրքի 54-րդ հոդվածի 3–րդ պարբերության պահանջները։
2.Վարչական ակտն ընդունելու համար հիմք հանդիսացող փաստերը.
2025 թվականի հոկտեմբերի 24-ին հարուցված վարչական վարույթի հիման վրա 2025 թվականի նոյեմբերի 05–ին ժամը 12։00–ին հրավիրվել են վարչական վարույթով գործի լսումներ։ «ՏԱԹԵՎԻԿ ՄԵՍՐՈՊՅԱՆ ՀԱՅՐԱՊԵՏԻ» անհատ ձեռնարկատերը ծանուցագիրը ստացել է «Հայփաստ» ՓԲ ընկերության միջոցով և իր ներկայացուցչի միջոցով ապահովել ներկայությունը վարչական գործի լսմանը, հայտարարելով, որ ամբողջությամբ վերացրել է իրավախախտման հետևանքները։
3. Վարչական ակտ ընդունելու հիմնավորումը.
Համաձայն «Տեղական ինքնակառավարման մասին» ՀՀ օրենքի 35-րդ հոդվածի 1–ին մասի 26-րդ կետի՝ համայնքի ղեկավարը, օրենքով նախատեսված դեպքերում և կարգով անձանց ենթարկում է վարչական պատասխանատվության:
«Վարչարարության հիմունքների և վարչական վարույթի մասին» Հայաստանի Հանրապետության օրենքի 50-րդ հոդվածի 2 մասի ա/ ենթակետի համաձայն՝ վարչական մարմնի նախաձեռնությամբ հարուցված վարչական վարույթը կարող է կարճվել, եթե անձը, ում հասցեագրված է լինելու վարչական ակտը, վերացրել է օրենքի կամ իրավական այլ ակտի պահանջների խախտումները կամ պատշաճ միջոցներ է ձեռնարկել խախտումները կանխելու ուղղությամբ, և նման դեպքերում օրենքն այդ խախտումների վերաբերյալ չի պահանջում վարչական ակտի ընդունում:
Ելնելով վերոգրյալից և ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1–ին մասի 26-րդ կետով, «Վարչարարության հիմունքների և վարչական վարույթի մասին» ՀՀ օրենքի 50-րդ հոդվածի 2 մասի ա/ ենթակետով՝
ՈՐՈՇՈՒՄ ԵՄ՝
1.«ՏԱԹԵՎԻԿ ՄԵՍՐՈՊՅԱՆ ՀԱՅՐԱՊԵՏԻ» անհատ ձեռնարկատիրոջ նկատմամբ 2025 թվականի հոկտեմբերի 24–ին հարուցված վարչական վարույթը կարճել:
2. Սույն որոշումը ուժի մեջ է մտնում կողմերին իրազեկելուն հաջորդող օրվանից:
3.Սույն որոշումը կարող է դատական կարգով բողոքարկվել ՀՀ վարչական դատարան՝ «Վարչարարության հիմունքների և վարչական վարույթի մասին» Հայաստանի Հանրապետության օրենքի 70-րդ և Հայաստանի Հանրապետության Վարչական դատավարության օրենսգրքի 73-րդ հոդվածներով նախատեսված կարգով՝ դրա ուժի մեջ մտնելու օրվանից երկամսյա ժամկետում: