Հայաստանի Հանրապետության Արմավիրի մարզի Մեծամոր համայնքը 2025 թվականի մարտի 12-ին Սարգիս Մկրտչյանին տվել է թիվ ՇԹ/361/3961-25 շինարարության թույլտվությունը Եղեգնուտ բնակավայր 1-ին փողոց 4-րդ նրբանցք 6/1 վայրում ձկնաբուծարան կառուցելու համար, որի շինարարությունը պետք է իրականացվեր երկու տարվա ընթացքում։

Սակայն, Սարգիս Մկրտչյանի կողմից շինարարության թույլտվության տրամադրման օրվանից շինարարության տևողության ժամանակահատվածի կեսը լրանալու ժամկետում չի պահպանվել Հայաստանի Հանրապետության կառավարության 2015 թվականի մարտի 19-ի N 596-Ն որոշման 131-րդ կետով սահմանված պահանջները։ Նաև չի ներկայացվել Հայաստանի Հանրապետության կառավարության 2015 թվականի մարտի 19-ի N 596-Ն որոշման 130-րդ կետով սահմաված նոր շինարարության թույլտվություն ստանալու դիմում։

Հայաստանի Հանրապետության կառավարության 2015 թվականի մարտի 19-ի N 596-Ն որոշման 131-րդ կետի համաձայն՝ շինարարական աշխատանքներ չսկսելու արդյունքում, մինչև սույն կարգի 130-րդ կետով սահմանված ժամկետը լրանալը, կառուցապատողի կողմից սահմանված կարգով նախատեսված դիմում չներկայացվելու դեպքում իրավասու մարմնի նախաձեռնությամբ շինարարության թույլտվությունն ուժը կորցրած է ճանաչվում՝ դրա մասին եռօրյա ժամկետում պատշաճ կարգով ծանուցելով կառուցապատողին և Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին՝ կառուցվող շինության նկատմամբ կառուցապատողի գրանցված իրավունքների դադարեցում գրանցելու համար:

Ուստի, ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 42-րդ հոդվածի 1-ին մասի 6-րդ կետով, «Վարչարարության հիմունքների և վարչական վարույթի մասին» Հայաստանի Հանրապետության օրենքի 66-րդ հոդվածի 3-րդ մասի բ) կետով, Հայաստանի Հանրապետության կառավարության 2015 թվականի մարտի 19-ի N 596-Ն որոշման 130-րդ և 131-րդ կետերով

ՈՐՈՇՈՒՄ ԵՄ

1. Ուժը կորցրած ճանաչել Հայաստանի Հանրապետության Արմավիրի մարզի Մեծամոր համայնքի 2025 թվականի մարտի 12-ին կառուցապատող Սարգիս Մկրտչյանին տրված թիվ ՇԹ/361/3961-25 շինարարության թույլտվությունը։

2. Սույն որոշումն ուժի մեջ է մտնում այն իրազեկելուն հաջորդող օրվանից և կարող է երկամսյա ժամկետում վարչական կարգով բողոքարկվել Հայաստանի Հանրապետության Արմավիրի մարզի Մեծամոր համայնքին կամ Հայաստանի Հանրապետության վարչական դատարանին: