«Ղեկավարվելով Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 57-րդ հոդվածի 2-րդ մասով և հիմք ընդունելով Հայաստանի Հանրապետության Արմավիրի մարզի Մեծամոր համայնքի ավագանու 2023 թվականի դեկտեմբերի 15-ի թիվ 205-Ա որոշումը, ինչպես նաև «Հայաստանի Հանրապետության Արմավիրի մարզի Մեծամոր համայնքի Շառլ Ազնավուրի անվան արվեստի դպրոց» ՀՈԱԿ-ի, «Հայաստանի Հանրապետության Արմավիրի մարզի Մեծամոր համայնքի Արմավիր գյուղի արվեստի դպրոց» ՀՈԱԿ-ի, «Մեծամոր համայնքի մշակույթի տուն և գրադարան» ՀՈԱԿ-ի տնօրենների գրությունները 

                                                                                               ՈՐՈՇՈՒՄ ԵՄ

1.  «Հայաստանի Հանրապետության Արմավիրի մարզի Մեծամոր համայնքի Շառլ Ազնավուրի անվան արվեստի դպրոց» ՀՈԱԿ, «Հայաստանի Հանրապետության Արմավիրի մարզի Մեծամոր համայնքի Արմավիր գյուղի արվեստի դպրոց» ՀՈԱԿ, «Մեծամոր համայնքի մշակույթի տուն և գրադարան» ՀՈԱԿ հաճախող երեխաների համար՝ համայնքի կողմից կամ համայնքի պատվերով մատուցված ծառայությունների դիմաց փոխհատուցման վճարի՝ 2024 թվականի համար սահմանված դրույքաչափի նկատմամբ ապրիլից կիրառել արտոնություն՝ համաձայն N1-N3 հավելվածների:

2. Սույն  որոշումն ուժի մեջ է մտնում ընդունման պահից: