Զեկ. ՎԱՀՐԱՄ ԽԱՉԱՏՐՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21)-րդ կետով, համաձայն Հայաստանի Հանրապետության Հողային օրենսգրքի 48-րդ հոդվածի 2-րդ կետի 2-րդ պարբերության, ՀՀ Քաղաքացիական օրենսգրքի 620-րդ հոդվածով, հիմք ընդունելով քաղաքացի Վահե Պետրոսյանի հետ  կնքած 14.12.2017թ.  <<Հողի վարձակալության>> պայմանագիրը, քաղաքացի Վահե Պետրոսյանի դիմումը և հաշվի առնելով համայնքի ղեկավարի առաջարկությունը  

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է 

1. Թույլատրել քաղաքացի Վահե Պետրոսյանի`  ենթավարձակալության տրամադրելու Մեծամոր համայնքի , համայնքային սեփականություն հանդիսացող,  Տանձուտ գյուղում  գտնվող գյուղատնտեսական  նշանակության 3,2237 հա հողամասը  վարձակալին տրամադրված պայմաններով:

2.Սահմանել, որ.

1)ենթավարձակալության պայմանագիրը չի կարող կնքվել անշարժ գույքի վարձակալության՝ 14.12.2017թ. սեղ. Նո 7535 պայմանագրի ժամկետը գերազանցող ժամկետով:

2) Վարձակալության վճարն անհրաժեշտ է վճարել Հայաստանի Հանրապետության ֆինանսների նախարարության 900335215050 հաշվեհամարին.

3) Առաջին հինգ տարվա համար վարձակալության վճար է սահմանվում տարեկան 130 000 /մեկ հարյուր երեսուն  հազար/ ՀՀ դրամ:

4) Յուրաքանչյուր հինգ տարին մկ վարձակալության վճարը ենթակա է վերանայման՝ գործող վարձավճարի 50 %-ի չափով:

3. Ենթավարձակալության պայմանագրի նկատմամբ կիրառվում են վարձակալության պայմանագրի կանոնները:   

4. Սույն որոշումն ուժի մեջ է մտնում ընդունման պահից: