Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ  հոդվածի 21-րդ և 42-րդ կետերով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով և հիմք ընդունելով Մեծամոր համայնքի ղեկավարի առաջարկությունը, և հաշվի առնելով, որ «ՄԵԾ ԸՆԴ ՄՈՐ» փակ բաժնետիրական ընկերության գործունեությունը շահութաբեր չի և ընկերությունը աշխատում է վնասով,

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է 

1. Թույլատրել վաճառելու Մեծամոր համայնքի «ՄԵԾ ԸՆԴ ՄՈՐ» փակ բաժնետիրական ընկերության բաժնետոմսերը։ Հաշվի առնելով նախապատվության իրավունքի առկայությունը, վաճառքն իրականացնել ուղիղ վաճառքի միջոցով, վաճառքի գինը ՝ 122 850 (հարյուր քսաներկու հազար ութ հարյուր հիսուն)  ՀՀ դրամ, ժամկետը՝ սույն որոշման ընդունման պահից 1 (մեկ) ամիս, նպատակը՝ վնասով աշխատող ընկերությունում բաժնեմասնակցության դադարեցում:

2. Ուժը կորցրած ճանաչել Մեծամոր համայնքի ավագանու 2024 թվականի նոյեմբերի 17-ի « «Մեծ ընդ մոր» փակ բաժնետիրական ընկերության բաժնետոմսերը վաճառելու թույլտվություն տալու մասին» N 202-Ա որոշումը: 

3. Սույն որոշումն ուժի մեջ է մտնում ընդունման պահից: