Զեկ. ՌՈՒՍՏԱՄ ՄԱՐՏԻՐՈՍՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ և 42-րդ կետերով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, Հայաստանի Հանրապետության Քաղաքացիական օրենսգրքի 605-րդ հոդվածի 1-ին մասով, և   հիմք ընդունելով Հայաստանի Հանրապետության Տարածքային կառավարման և ենթակառուցվածքների նախարարության ջրային կոմիտեի գլխավոր քարտուղարի  2023 թվականի դեկտեմբերի 14-ի N 03/15/6378-2023 գրությունը ինչպես նաև Մեծամոր համայնքի ղեկավարի  առաջարկությունը․ 

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է 

1. Հայաստանի Հանրապետության Արմավիրի մարզի Մեծամոր համայնքի սեփականությունը հանդիսացող Բամբակաշատ գյուղում գտնվող «Գազի կանոնկա», Շենավան գյուղում գտնվող «Վարդանյանի բաժանարար» և Գետաշեն գյուղում գտնվող «Կոմսոմոլի այգի»   խորքային հորերը նվիրատվությամբ հանձնել Հայաստանի Հանրապետոթյանը : 

2. Հայաստանի Հանրապետության հետ սահմանված կարգով կնքել նվիրատվության պայմանագիր, որը ենթակա է նոտարական վավերացման և պետական գրանցման:

3.Ուժը կորցրած ճանաչել Հայաստանի Հանրապետության Արմավիրի մարզի Մեծամոր համայնքի ավագանու 2023 թվականի հունվարի 27-ի «Մեծամոր համայնքի սեփականությունը հանդիսացող խորքային հորերը  Հայաստանի Հանրապետությանը նվիրաբերելու մասին» N 8-Ա որոշումը:

4.Սույն որոշումն ուժի մեջ է մտնում ընդունման պահից։