Ղեկավարվելով Քաղաքացիական օրենսգրքի 685-699-րդ հոդվածներով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով և հիմք ընդունելով «Մարդը կարիքի մեջ» ՀԿ-ի 2022 թվականի օգոստոսի 10-ի թիվ 48-2022 գրությունը, ինչպես նաև համայնքի ղեկավարի առաջարկությունը՝ ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է՝
1. Մեծամոր համայնքի սեփականություն հանդիսացող Մեծամոր քաղաքի 1-ին թաղամաս վարչական կենտրոն 1/3 հասցեում գտնվող հյուրանոցի (հիմք՝ 2008 թվականի օգոստոսի 21-ին տրված սեփականության իրավունքի գրանցման վկայական N 2598308) 1-ին հարկի 1265,2քմ․ մակերեսով տարածքից 86,2քմ․ մակերեսով տարածքը 10 (տաս) տարի ժամկետով անհատույց օգտագործման իրավունքով տրամադրել «ՄԵԾ ԸՆԴ ՄՈՐ» ՓԲԸ-ին՝ հացաբուլկեղենի վաճառք իրականացնելու նպատակով։
2. «ՄԵԾ ԸՆԴ ՄՈՐ» ՓԲԸ-ն պարտավոր է ամբողջ ժամկետի ընթացքում իրականացնել անհատույց օգտագործման տրամադրվող անշարժ գույքի հիմնական և ընթացիկ վերանորոգումը և նպատակային օգտագործումը։
3. Սույն որոշման 2-րդ կետի պահանջը սահմանված ժամկետում չկատարելու դեպքում որոշման 1-ին կետի գործողությունը համարվում է դադարեցված և անշարժ գույքի անհատույց օգտագործման տրամադրումը ենթակա է լուծման։
4. Մեծամոր համայնքի ղեկավար Վահրամ Խաչատրյանին` օրենսդրությամբ սահմանված կարգով «ՄԵԾ ԸՆԴ ՄՈՐ» ՓԲԸ-ի հետ կնքել անշարժ գույքն անհատույց օգտագործման տրամադրելու պայմանագիր, որի նոտարական վավերացման և պետական գրանցման ծախսերը կրում է «ՄԵԾ ԸՆԴ ՄՈՐ» ՓԲԸ-ն։
5. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: |