Զեկ. ՎԱՀՐԱՄ ԽԱՉԱՏՐՅԱՆ

Ղեկավարվելով  «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով Հայաստանի Հանրապետության Հողային օրենսգրքի 7-րդ հոդվածի  15-րդ կետով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ի մասով և  հիմք ընդունելով   Ալեքսանդր Ավետիսյանի, Խաչատուր Հովհաննիսյանի, Միքաել Ղևոնդյանի, Արամ Մանուկյանի դիմումները, ինչպես նաև համայնքի ղեկավարի առաջարկությունը,  

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1.  Մեծամոր համայնքի Արգավանդ բնակավայրում  Ալեքսանդր Ավետիսյանին սեփականության իրավունքով պատկանող 3,5հա (ծածկագիր 04-018-0172-0026), Խաչատուր Հովհաննիսյանին սեփականության իրավունքով պատկանող 0,1334 հա (ծածկագիր 04-018-0160-0022) , Միքաել Ղևոնդյանին սեփականության իրավունքով պատկանող 0,6 հա (ծածկագիր 04-018-0160-0020),՝  Արամ Մանուկյանին   սեփականության իրավունքով պատկանող 0,5675 հա  (ծածկագիր 04-018-0210-0001) գյուղատնտեսական նպատակային նշանակության և այլ հողատեսք գործառնական նշանակության հողամասերի  նպատակային և գործառնական  նշանակությունները  փոխել  Արդյունաբերության, ընդերքօգտագործման և այլ արտադրական նշանակության օբյեկտների նպտակային նշանակության և արդյունաբերական  օբյեկտներ գործառնական նշանակության  հողամասի ՝    մինչև 100 հազար խորանարդ մետր ծավալով  ձկնաբուծական արհեստական լճակ  կառուցելու   համար :

2 . Փոփոխված  հողամասերը արտացոլել համայնքի հողային ֆոնդի ընթացիկ հաշվառման տվյալներում և ամենայա հողային հաշվեկշռում :

3. Ուժը կորցրած  ճանաչել Արգավանդ  համայնքի ավագանու 2021 թվականի  սեպտեմբերի 10-ի «Հողերի նպատակային նշանակության  փոփոխության մասին» N43 որոշումը;

4․ Սույն որոշումն ուժի մեջ է մտնում ընդունման պահից: