Ղեկավարվելով Հայաստանի Հանրապետության Քաղաքացիական օրենսգրքի 188-րդ հոդվածով, «Անշարժ գույքի հարկով հարկման նպատակով անշարժ գույքի շուկայանական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի 4-րդ հոդվածի 2-րդ մասի 6-րդ կետով, Հայաստանի Հանրապետություն կառավարության 2020 թվականի հունիսի 4-ի N1023-Ն և 2006 թվականի մայիսի 18-ի N912-Ն որոշումներով, նկատի ունենալով,որ կառույցի պահպանումը չի խախտում այլ անձանց իրավունքներն ու օրենքով պահպանվող շահերը, կառուցված չէ քաղաքաշինական նորմերի ու կանոնների էական խախտումներով, չի առաջացնում սերվիտուտ պահանջելու իրավունք և հիմք ընդունելով Հայկ Հարությունի Երվանդյանի դիմումը․
ՈՐՈՇՈՒՄ ԵՄ՝
1․ Օրինականացնել Հայաստանի Հանրապետության Արմավիրի մարզի Մեծամոր համայնքի, Մրգաշատ բնակավայրի 10-րդ փողոց 34 հասցեում գտնվող Հայկ Հարությունի Երվանդյանի / ծնված 14․08․1994թ․/ սեփականության իրավունքով պատկանող /04-067-0130-0002 / կադաստրային ծածկագրով բնակավայրի բնակելի կառուցապատման հողամասում 2018 թվականին ինքնակամ կառուցված 38.1 քմ արտաքին մակերեսով բնակելի տունը, 2018 թվականի ինքնակամ կառուցված 12,4 քմ արտաքին մակերեսով թոնրատունը, 2018 թվականին ինքնակամ կառուցված 1.8 քմ արտաքին մակերեսով զուգարանը համաձայն «Ջեմա Վարդանյան Նորայրի» ԱՁ-ի կողմից տրված շինությունների և հողամասի հատակագծերի և հաշվառման (չափագրման) տվյալների մուտքագրման տեղեկանքի՝ ծածկագիր 2023GQRK6G։
2. Բնակելի տուն՝ 38,1 x 0,1209 x 10000 = 46070 / քառասունվեց հազար յոթանասուն / ՀՀ դրամ
Թոնրատուն՝ 12,4 x 0,1209 x 6000 = 9000 / իննը հազար / ՀՀ դրամ
Զուգարան՝ 1,8 x 0,1209 x 6000 = 1310 / մեկ հազար երեք հարյուր տաս / ՀՀ դրամ
Ինքնակամ բացված թվով 2 /երկու/ պատուհանը կկազմի 20000 / քսան հազար / ՀՀ դրամ
1) Վճարման ենթակա գումարը կազմում է 76380/ յոթանասունվեց հազար երեք հարյուր ութանասուն / ՀՀ դրամ
3․ Սույն որոշման ընդունման օրվանից օրինականացման համար սահմանված վճարը 60 օրյա ժամկետում Մեծամորի համայնքապետարանի 900335003407 հաշվեհամարին չվճարելու դեպքում որոշումը համարել ուժը կորցրած։
4․ Սույն որոշումից բխող գույքային իրավունքները ենթակա են գրանցման Հայաստանի Հանրապետության կադաստրի կոմիտեի անշարժ գույքի միասնական ստորաբաժանումում։
5․ 2018 թվականին կառուցված 0,6 քմ պարիսպը համարել որպես օրինական շինություն։
6․ Սույն որոշումն ուժի մեջ է մտնում ընդունման պահից։