Զեկ. ՄԱՐԱՏ ՀՈՎՀԱՆՆԻՍՅԱՆ

Ղեկավարվելով  «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի առաջին մասի 21-րդ կետով,  Հայաստանի   Հանրապետության Հողային օրենսգրքի 7-րդ հոդվածի 8-րդ, 9-րդ և 15-րդ մասերով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ի մասով և  հիմք ընդունելով  «Արմոսֆերա»    ՍՊԸ-ի լիազորված անձ Վահե Խաչատրյանի 2022 թվականի  մարտի 15-ի դիմումը ինչպես նաև համայնքի ղեկավարի առաջարկությունը, Մեծամոր համայնքի ավագանին 

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ  Է 

1.  Մեծամոր համայնքի Ակնալիճ բնակավայրում  «Արմոսֆերա» ՍՊԸ- ին  սեփականության իրավունքով պատկանող 10.7 հա  գյուղատնտեսական նպատակային նշանակության և վարելահողեր գործառնական նշանակության հողամասից /սեփ․ վկայական  N19112021-04-0031, ծածկագիր 04-004-0113-0016/ 0,4113 հա հողամասի նպատակային և գործառնական  նշանակությունները  փոխել  արդյունաբերության , ընդերքօգտագործման և այլ արտադրական նշանակության օբյեկտների նպատակային նշանակության և արդյունաբերական  օբյեկտներ գործառնական նշանակության  հողամասի ՝    մինչև 100 հազար խորանարդ մետր ծավալով  ձկնաբուծական արհեստական լճակ կառուցելու   համար :

2 . Փոփոխված 0,4113 հա  հողամասը արտացոլել համայնքի հողային ֆոնդի ընթացիկ հաշվառման տվյալներում և ամենամյա հողային հաշվեկշռում :

3.  Ուժը կորցրած ճանաչել Մեծամոր համայնքի ավագանու 2022 թվականի մարտի 28-ի « Հողամասի նպատակային և գործառնական նշանակությունները փոխելու մասին» N 096 որոշումը

4. Սույն որոշումն ուժի մեջ է մտնում ընդունման պահից: