Զեկ. ՆՈՐԱՅՐ ԴԱՐԲԻՆՅԱՆ

Ղեկավարվելով  «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 29-րդ և 31-րդ կետերով, Հայաստանի   Հանրապետության Հողային օրեսգրքի 3-րդ հոդվածի 1-ին կետով  «Քաղաքաշինության մասին» Հայաստանի Հանրապետության օրենքի 14.3-րդ հոդվածի 9-րդ մասով և  հիմք ընդունելով Հայաստանի Հանրապետության վարչապետի 2009 թվականի դեկտեմբերի 22-ի թիվ 1064-Ա որոշմամբ ստեղծված ՀՀ համայնքների քաղաքաշինական ծրագրային փաստաթղթղերի մշակման աշխատանքները համակարգող միջգերատեսչական հանձնաժողովի 2023 թականի սեպտեմբերի 12-ի N 1/փ-294 եզրակացությունը ինչպես նաև համայնքի ղեկավարի առաջարկությունը 

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1.  Մեծամոր համայնքի Արգավանդ բնակավայրում «Սանդինգ Մայնինգ» ՍՊԸ-ին սեփականության իրավունքով պատկանող 0,3244 հա  գյուղատնտեսական նպատակային նշանակության և այլ հողատեսք գործառնական նշանակության հողամասի /սեփ․ վկայական  N 20012023-04-0029, ծածկագիր 04-018-0167-0004/ նպատակային և գործառնական  նշանակությունները փոխել  արդյունաբերության, ընդերքօգտագործման և այլ արտադրական նպատակային նշանակության և արդյունաբերական օբյեկտների հողեր գործառնական նշանակության  հողամասի՝  ավազակոպիչների մանրացման, լվացման և քարջարդիչների սարքավորումներ տեղադրելու  համար:

2. Փոփոխված 0,3244 հա հողամասը արտացոլել համայնքի հողային ֆոնդի ընթացիկ հաշվառման տվյալներում և ամենամյա հողային հաշվեկշռում:

3.  Սույն որոշումն ուժի մեջ է մտնում ընդունման պահից: