Ղեկավարվելով Հողային օրեսգրքի 3-րդ հոդվածի 1-ին կետով  «Քաղաքաշինության մասին» օրենքի 14.3-րդ հոդվածի 9-րդ մասով ,Հայաստանի Հանրապետության Արմավիրի մարզի Մեծամոր համայնքի  Մարգարա բնակավայրի հողերի նպատակային նշանակությունը փոխելու նպատակով կազմված հողաշինարարական գործի վերաբերյալ Հայաստանի Հանրապետության վարչապետի 2001 թվականի օգոստոսի 13-ի թիվ 599 որոշմամբ ստեղծված հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2022 թականի հունիսի 1 թիվ 76 դրական եզրակացությունը,  և հիմք ընդունելով  «ՄԼ ՄԱՅՆԻՆԳ» սահմանափակ պատասխանատվությամբ ընկերության  դիմումը, ինչպես նաև Մեծամոր համայնքի ղեկավարի առաջարկությունը՝

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1.«ՄԼ ՄԱՅՆԻՆԳ»  սահմանափակ պատասխանատվությամբ ընկերությանը սեփականության իրավունքով պատկանող 04-063-0109-0003 կադաստրային ծածկագրի տակ գտնվող  գյուղատնտեսական նշանակության 1,0289 հա վարելահողը փոխադրել արդյունաբերության, ընդերքօգտագործման և այլ արտադրական նշանակության օբյեկտների  հողեր նպատակային նշանակության՝ արդյունաբերական օբյեկտների հողեր գործառնական նշանակության:

2.Առաջարկել «ՄԼ ՄԱՅՆԻՆԳ» սահմանափակ պատասխանատվությամբ ընկերությանը համայնքի բյուջե վճարել սույն որոշման    1-ին կետում նշված հողամասի կադաստրային արժեքների՝ նպատակային նշանակության փոփոխման պահին առկա տարբերությունը՝  7121680( յոթ միլիոն  հարյուր քսանմեկ հազար վեզ հարյուր ութսուն) ՀՀ դրամ:

3.Առաջարկել համայնքի ղեկավարին ՝  հողամասերի նպատակային նշանակության փոփոխությունը պետական գրանցում ստանալուց հետո ընդգրկել համայնքային հողային ֆոնդի տարեկան ընթացիկ հաշվառման տվյալներում և համայնքային հողային հաշվեկշռում:

 4.Սույն որոշումը ուժի մեջ է մտնում  «ՄԼ ՄԱՅՆԻՆԳ»  սահմանափակ պատասխանատվությամբ ընկերությանը  որոշման ընդունման մասին իրազեկելու օրվան հաջորդող օրվանից: