Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, համաձայն Հայաստանի Հանրապետության Հողային օրենսգրքի 48-րդ հոդվածի 2-րդ կետի 2-րդ պարբերության, ՀՀ Քաղաքացիական օրենսգրքի 620-րդ հոդվածով, և հիմք ընդունելով  2022  թվականի  ապրիլի 21-ին կնքված  16,1515 հա  և 24,6234 հա հողամասերի վարձակալության պայմանագրերը, և հիմք ընդունելով վարձակալ Հովիկ Աբելյանի լիազորված անձ՝ Սամվել Բադալյանի  դեկտեմբերի 7-ի դիմումը,  ինչպես նաև Մեծամոր համայնքի ղեկավարի առաջարկությունը  

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է 

1. Տալ համաձայնություն 2022 թվականի ապրիլի 21-ին Հովիկ Աբելյանին  վարձակալությամբ տրամադրված  Մեծամոր համայնքի սեփականությունը հանդիսացող, գյուղ Արևիկ-Եղեգնուտի խճուղի 4  և գյուղ Արևիկ-Եղեգնուտի խճուղի 6 հասցեներում գտնվող ջրային նպատակային  նշանակության  16,1515 հա (ծածկագիր 04-0027-0120-0363) և  24,6234 հա (ծածկագիր 04-027-0119-0018) հողամասերը ենթավարձակալությամբ  տրամադրելու «Մաքուր Ավազ» սահմանափակ պատասխանատվությամբ ընկերությանը (տնօրեն՝ Գոռ Առուստամյան)՝   վարձակալի հետ կնքված պայմանագրի պայմաններով:

2.Սահմանել, որ.

1)ենթավարձակալության պայմանագիրը չի կարող կնքվել անշարժ գույքի վարձակալության՝ 2022 թվականի  ապրիլի 21-ին կնքված (գրանցված՝ գրանցամատյան թիվ 2998 և 2999)  պայմանագրերի ժամկետը գերազանցող ժամկետով:

2) Վարձակալության վճարն անհրաժեշտ է վճարել Հայաստանի Հանրապետության ֆինանսների նախարարության 900335215050 հաշվեհամարին.

3)  վարձակալության վճար է սահմանվում

16,1515 հա հողամասի համար՝ տարեկան  1 480 500 (մեկ միլիոն չորս հարյուր ութսունհազար հինգ հարյուր) ՀՀ  դրամ,

24,6234 հա հողամասի համար՝ տարեկան 2 252 250 (երկու միլիոն երկու հարյուր հիսուներկու հազար  երկու հարյուր հիսուն)  ՀՀ  դրամ, 

 4) Յուրաքանչյուր հինգ տարին մեկ վարձակալության վճարը ենթակա է վերանայման՝ գործող վարձավճարի 50 %-ի չափով:

3. Ենթավարձակալության պայմանագրերի նկատմամբ կիրառվում են վարձակալության պայմանագրի կանոնները:   

4. Սույն որոշումն ուժի մեջ է մտնում ընդունման պահից: