Ղեկավարվելով  «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 15-րդ կետով,  «Բաժնետիրական ընկերությունների մասին » Հայաստանի Հանրապետության օրենքի 10-րդ հոդվածի 4-րդ մասով և հիմք ընդունելով համայնքի ղեկավարի առաջարկությունը.

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է.

1. Հաստատել Մեծամոր համայնքի ղեկավարի 2022 թվականի օգոստոսի 8-ի Ալպէր Տեմիրճյանի հետ համատեղ <<ՄԵԾ ԸՆԴ ՄՈՐ>> փակ բաժնետիրական ընկերություն ստեղծելու մասին թիվ 1280 որոշումը, որի համաձայն հիմնադրվող ընկերության կանոնադրական կապիտալի 45%-ը կպատկանի Մեծամոր համայնքին, իսկ 55%-ը` Ալպէր Տեմիրճյանին: Վերոնշյալի առնչությամբ լիազորել Մեծամոր համայնքի ղեկավարին համայնքի անունից անձամբ կամ լիազորված անձի միջոցով հանդես գալ Մեծամոր համայնքի անունից <<ՄԵԾ ԸՆԴ ՄՈՐ>> փակ բաժնետիրական ընկերության հիմնադիր ժողովում, քվեարկել այդ ժողովում հիմնադրման հետ կապված ցանկացած հարցի առնչությամբ, ստորագրել հիմնադրման մասին որոշումը, որոշման արձանագրությունը։                                             

 2. Հաստատել Մեծամոր համայնքի սեփականություն հանդիսացող Մեծամոր քաղաքի 1-ին թաղամաս վարչական կենտրոն 1/3 հասցեում գտնվող հյուրանոցի (հիմք՝ 2008 թվականի օգոստոսի 21-ին տրված սեփականության իրավունքի գրանցման վկայական N 2598308) 1-ին հարկի 1265,2 քմ․ մակերեսով տարածքից 86,2 քմ․ մակերեսով տարածքի նկատմամբ 10 տարվա անհատույց օգտագործման իրավունքի ներդրումը կանոնադրական կապիտալում, որը գնահատվում է 1 228 500 ՀՀ դրամ: Նշվածի առնչությամբ հաստատել Մեծամոր համայնքի` վերոնշյալ տարածքի անհատույց օգտագործման տրամադրումը «ՄԵԾ ԸՆԴ ՄՈՐ» փակ բաժնետիրական ընկերությանը:                               

 3. Հաստատել «ՄԵԾ ԸՆԴ ՄՈՐ» փակ բաժնետիրական ընկերության կանոնադրությունը՝ համաձայն հավելվածի:                                                                                                                                            

4. Լիազորել համայնքի ղեկավարին բանակցել բաժնետիրական համաձայնագրի դրույթները և ստորագրել բաժնետիրական համաձայնագիրը, եթե դրույթների քննարկումը և ստորագրումը համայնքի ղեկավարի լիազորությունների սահմաններում է: Այն դեպքերում, երբ բաժնետիրական համաձայնագրի դրույթների քննարկումը և ստորագրումը գտնվում է համայնքի ավագանու իրավասության ներքո, լիազորել համայնքի ղեկավարին ներկայացնել բաժնետիրական համաձայնագրի նախագիծը ավագանու հաստսատմանը:                                                                                                             

5․Համայնքի ղեկավարի սույն որոշման 2-րդ կետով հաստատված կանոնադրությունը օրենքով սահմանված կարգով ներկայացնել Հայաստանի Հանրապետության Արդարադատության նախարարության աշխատակազմի իրավաբանական անձանց պետական ռեգիստրի գործակալություն՝  պետական գրանցման։                                                                                              

6․ Սույն որոշումն ուժի մեջ է մտնում ընդունման պահից։