Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21)-րդ կետով, համաձայն Հայաստանի Հանրապետության Հողային օրենսգրքի 48-րդ հոդվածի 2-րդ կետի 2-րդ պարբերության, ՀՀ Քաղաքացիական օրենսգրքի 620-րդ հոդվածով, հիմք ընդունելով քաղաքացի Էլլե Բրոյանի հետ 2010 թվականի նոյեմբերի 11-ին կնքած <<Հողի վարձակալության>> պայմանագիրը ու նրա լիազորված անձ Ռազմիկ Աբրահամյանի դիմումը և հաշվի առնելով համայնքի ղեկավարի առաջարկությունը

1. Թույլատրել քաղաքացի Էլլե Բրոյանի լիազորված անձ` Ռազմիկ Աբրահամյանին, ենթավարձակալության տրամադրելու Մեծամոր համայնքի վարչական տարածքում, համայնքային սեփականություն հանդիսացող, համայնքի Զարթոնք գյուղում  գտնվող գյուղատնտեսական  նշանակության 0,9861 հա հողամասը  վարձակալին տրամադրված պայմաններով:

2. Սահմանել, որ ենթավարձակալության պայմանագիրը չի կարող կնքվել անշարժ գույքի վարձակալության՝ 11.11.2010թ. սեղ. Նո 5636 պայմանագրի ժամկետը գերազանցող ժամկետով:

3. Ենթավարձակալության պայմանագրի նկատմամբ կիրառվում են վարձակալության պայմանագրի կանոնները:   

4. Սույն որոշումն ուժի մեջ է մտնում ընդունման պահից: